பராமரிப்பைப் பெறல்: உடல் ரீதியாக, பாலியல் ரீதியாக மற்றும் மன ஆரோக்கிய ரீதியாக

உதாரணமாகக் காயம் அல்லது பாலியல் வன்கொடுமை என்பவற்றின் போது உங்களுக்கு அவசர மருத்துவக் கவனிப்புத் தேவைப்பட்டால், , அவசர சேவைகளை அழைக்கவும்.

உங்களின் பாதுகாப்பு ஆபத்தான நிலையிலிருந்தால், காவல்துறையை தலையிடச் சொல்லலாம். 

• வாரத்தின் 7 நாட்களும் 24 மணிநேரமும் கிடைக்கக்கூடிய இலவச தொலைபேசி எண்ணான 17ஐ அழைக்கவும். நீங்கள் பிரெஞ்சு பேசவில்லை என்றால், உங்கள் அழைப்பிற்கு ஒரு மொழிபெயர்ப்பாளர் நியமிக்கப்படுவார். 
• உங்களுக்கு 114 என்ற எண்ணுக்கு பிரெஞ்சு மொழியில் SMS அனுப்பவும் முடியும்.

கடுமையான காயம் ஏற்பட்டால், அவசர மருத்துவ சேவைகளை அழைக்கவும். அவர்கள் உங்களுக்கு உதவ முதலுதவி பயிற்சி பெற்ற குழுவை அனுப்புவார்கள். 

• 112ஐ அழைக்கவும், இது வாரத்தின் 7 நாட்களும் 24 மணிநேரமும் கிடைக்கும் இலவச தொலைபேசி எண்ணாகும். நீங்கள் பிரெஞ்சு பேசவில்லை என்றால், உங்கள் அழைப்பிற்கு ஒரு மொழிபெயர்ப்பாளர் நியமிக்கப்படுவார். 

உயிருக்கு ஆபத்தான அவசரநிலை ஏற்பட்டால், நீங்கள் மருத்துவ சிகிச்சை பெறுவீர்கள்: 

• உங்களுக்கு வதிவிட உரிமைகள் இல்லை என்றாலும் கூட 

நீங்கள் “Protection universelle maladie (PUMA)”, சில சமயங்களில் “sécurité sociale” என்றும் அழைக்கப்படுகின்ற மாநில சுகாதாரக் காப்பீட்டு அமைப்பில் பதிவு செய்யப்படவில்லை என்றாலும் கூட

நீங்கள் காயம் அடைந்து நேராக மருத்துவமனைக்குச் செல்ல விரும்பினால், இந்தக் கோப்பகத்தைப் பார்க்கவும்.

செலவு:

• உயிருக்கு ஆபத்தான அவசரநிலை ஏற்பட்டால் சிகிச்சை பெறுவதற்கு நீங்கள் உடல்நலக் காப்பீடு அல்லது செல்லுபடியாகும் வதிவிட உரிமைகள் என்பவற்றைக் கொண்டிருக்க வேண்டியதில்லை.
• மற்ற மருத்துவச் செலவுகளுக்குத் திருப்பிச் செலுத்த, நீங்கள் "Protection universelle maladie (PUMA)" அல்லது சில சமயங்களில் "sécurité sociale" என்றும் அழைக்கப்படுகின்ற மாநில சுகாதாரக் காப்பீட்டைக் கொண்டிருக்க வேண்டும். அல்லது உங்களுக்குப் பிரெஞ்சு வதிவிட உரிமைகள் இல்லையென்றால் "l'Aide médicale d'Etat (AME)", மாநில சுகாதாரக் காப்பீடு. 
• உங்களுக்கு சுகாதாரக் காப்பீடு இல்லையென்றால், நீங்கள் செலுத்த வேண்டிய மருத்துவச் செலவுகளை மருத்துவமனை உங்களுக்குத் தெரிவிக்கும். அவர்கள் உங்களிடம் முன்கூட்டியே பணம் செலுத்தச் சொல்லலாம்.

பல விவரத்திரட்டுகள் உங்களுக்கு அருகிலுள்ள மருத்துவரைத் தேட அனுமதிக்கின்றன, அது ஒரு பொது மருத்துவராகவோ அல்லது நிபுணராகவோ இருக்கலாம். 

• Doctolib அதிக எண்ணிக்கையிலான மருத்துவர்களை பட்டியலிடுகிறது அத்துடன் நீங்கள் பேசும் மொழி மூலம் தேட அனுமதிக்கிறது.
• Ameli என்பது “sécurité sociale” இன் அதிகாரப்பூர்வ இணையத்தளமாகும். இந்த விவரத்திரட்டு பிரான்சில் உள்ள அனைத்து மருத்துவர்களையும் நிபுணத்துவம் மற்றும் இருப்பிடம் என்பவற்றின் அடிப்படையில் பட்டியலிடுகிறது. 
• “Centre Municipal de Santé” என்று அழைக்கப்படும் உங்கள் உள்ளூர் மருத்துவ மையத்திற்கும் நீங்கள் செல்லலாம்.

செலவு:

நீங்கள் “sécurité sociale” மூலம் உள்ளடக்கப்பட்டிருந்தாலும், எல்லா மருத்துவர்களுக்கும் ஒரே மாதிரியான கட்டண வீதங்கள் இல்லை. 

• "Conventionné secteur 1" ஆக இருக்கும் மருத்துவர்கள் “sécurité sociale” மூலம் நிர்ணயிக்கப்பட்ட கட்டணங்களைப் பயன்படுத்துகின்றனர். பொதுவாக அவை மலிவானவை. 
• “Conventionné secteur 2” மருத்துவர்கள் தங்கள் சொந்தக் கட்டணங்களைத் தேர்வு செய்கிறார்கள். “sécurité sociale” திருப்பிச் செலுத்தும் தொகை குறைவாக இருக்கும், எனவே நீங்கள் அதிகமாகச் செலுத்த வேண்டியிருக்கும். 
• "hors convention"இல் இருக்கும் மருத்துவர்கள் “sécurité sociale” உடன் இணைக்கப்படவில்லை. “sécurité sociale” திருப்பிச் செலுத்தும் தொகை மிகக் குறைவாக இருக்கும், எனவே நீங்கள் அதிகமாகச் செலுத்த வேண்டியிருக்கும்.

நீங்கள் பாலியல் வன்கொடுமைகளை அனுபவித்திருந்தால், அதற்காகத் தயவுசெய்து வெட்கப்பட வேண்டாம். நீங்கள் அனுபவித்ததற்கு எந்த வகையிலும் நீங்கள் பொறுப்பானவரல்லர்.

உங்கள் ஆரோக்கியத்தைப் பாதுகாக்க, கீழே உள்ள பரிந்துரைகளைப் பின்பற்றுமாறு மிகவும் பரிந்துரைக்கப்படுகிறீர்:

• தனியாக இருக்க வேண்டாம். பாதுகாப்பான இடமொன்றிற்குச் சென்று, உங்களுக்கு ஆதரவளிக்கக்கூடிய நீங்கள் நம்பும் நபரைத் தொடர்புகொள்ளவும்.
• நீங்களாகவே உங்களைக் கழுவிக்கொள்ள வேண்டாம். 

ஒரு மருத்துவரைப் பார்க்கவும் அல்லது மருத்துவமனைக்குச் சென்று பரிசோதனை செய்து சிகிச்சை பெறவும். உங்களுக்கு அருகிலுள்ள "unité médico-judiciaire (UMJ)" எனப்படும் சிறப்பு மருத்துவ சேவைக்கு நீங்கள் செல்லப் பரிந்துரைக்கப்படுகிறீர்கள். அவர்களின் குழுக்கள் பாலியல் வன்கொடுமைக்கான ஆதாரங்களைச் சேகரிக்கச் சிறப்புப் பயிற்சி பெற்றவர்களாவர். சில "UMJ" கள் நோயாளிகளை சந்திப்பு நேரம் மூலம் மட்டுமே பார்க்கிறது: வருகைக்கு முன் அவர்களை அழைக்கவும்.

மருத்துவர் உங்களுக்கு அவசர சிகிச்சையை வழங்க முடியும்: 

• தேவையற்ற கர்ப்பம் ஏற்படும் அபாயம் இருந்தால் தாக்குதலுக்குப் பிறகு மாத்திரையை காலை வேலைக்கு ஐந்து நாட்கள் வரை எடுத்துக்கொள்ளலாம்.
• எச்.ஐ.வி தொற்று ஏற்படும் அபாயம் இருந்தால், தாக்கப்பட்ட 48 மணி நேரத்திற்குள் முற்காப்புச் சிகிச்சை தொடங்கும்.
• தொற்றுநோயைக் கண்டறிய இரத்தப் பரிசோதனைகள்.

பிரான்ஸ் நீதி அமைப்பிடம் வன்முறையைப் புகார் அளிக்கவும் பரிந்துரைக்கப்படுகிறது. 

புகாரைச் சமர்ப்பிக்கும் போது, ​​உங்களைச் சந்திக்கும் காவல்துறை அதிகாரி உங்களுக்காக “UMJ” இல் ஒரு சந்திப்பை ஏற்பாடு செய்யக்கூடும்.

ஒரு சுகாதார நிபுணரின் நடத்தை உங்களில் பயம், அவமானம் அல்லது குற்ற உணர்ச்சியைத் தூண்டினால், பாலின வன்முறையில் அவர்களின் நிபுணத்துவம் குறைவாக உள்ளது மற்றும் இது உங்களை மேலும் ஆபத்தில் ஆழ்த்தக் கூடும். 

இது தான் விடயமெனில், வேறொரு சுகாதார நிபுணரை அணுகத் தயங்க வேண்டாம். உங்களைத் தேற்றிக்கொள்ளாமல் நீங்கள் எப்போது வேண்டுமானாலும் மருத்துவர்களை மாற்றலாம்.

உங்களுக்குத் துன்பம் மற்றும் தற்கொலை எண்ணங்கள் இருந்தால், நீங்கள் தனியாக இல்லை என்பதை நினைவில் கொள்ளுங்கள். இதைப் பெறுவதற்கு எந்த நேரத்திலும் நிபுணர்களை அணுகலாம்.

• நீங்கள் 3114 ஐ அழைக்கலாம், இது ஒரு தேசிய மற்றும் இரகசிய இலவச தொலைபேசி எண்ணாகும், இது வாரத்தின் 7 நாட்களும் 24 மணிநேரமும் கிடைக்கும். இந்தச் சேவை பிரெஞ்சு மொழியில் மட்டுமே கிடைக்கும்.
• நீங்கள் SOS ஹெல்ப்லைனை 01 46 21 46 46 இல் பிற்பகல் 3 மணி முதல் இரவு 11 மணி வரை அழைக்கலாம். இந்தச் சேவை ஆங்கிலத்தில் மட்டுமே கிடைக்கும்.

மனநல மருத்துவர் என்பவர் மனநல மருத்துவத்தில் நிபுணத்துவம் பெற்ற மருத்துவராவார். தேவை என்று அவர்கள் நினைத்தால் உங்களுக்கு மருந்துகளைப் பரிந்துரைக்கக் கூடும். 

மனநல ஆலோசனைக்கான கட்டணங்கள் சில நேரங்களில் “sécurité sociale” மூலம் திருப்பிச் செலுத்தப்படும்.

பல விவரத்திரட்டுக்கள் உங்களுக்கு அருகிலுள்ள மனநல மருத்துவரைத் தேட அனுமதிக்கின்றன:

• Doctolib அதிக எண்ணிக்கையிலான மருத்துவர்களுக்கான அணுகலை வழங்குகிறது மற்றும் உங்கள் மொழியைப் பேசுபவர்களைத் தேட அனுமதிக்கிறது.
• Ameli என்பது “sécurité sociale” இன் அதிகாரப்பூர்வ இணையத்தளமாகும். இந்த விவரத்திரட்டு அனைத்து பிரெஞ்சு மருத்துவர்களையும் நிபுணத்துவம் மற்றும் இருப்பிடத்தின் அடிப்படையில் பட்டியலிடுகிறது.

ஒரு உளவியலாளர் உளவியலில் பல்கலைக்கழக பட்டம் பெற்ற ஒரு தொழில்முறை வல்லுநராவார். அவர்களுக்கு மருத்துவப் பயிற்சி இல்லை. அவர்கள் உளவியல் சிகிச்சையுடன் உங்களுக்கு ஆதரவளிக்க முடியும்.

திருப்பிச் செலுத்துதல்:

• உளவியல் சிகிச்சை அமர்வுகள் தற்போது “sécurité sociale”மூலம் திருப்பிச் செலுத்தப்படுவதில்லை, ஆனால் இது 2022 இன் போது மாறலாம். 
• சில தனியார் உடல்நலக் காப்பீட்டு நிதிகள் அல்லது “mutuelles” உளவியல் சிகிச்சைச் செலவுகளை திருப்பிச் செலுத்துகின்றன. இந்தச் செலவுகள் என்னென்ன நிபந்தனைகளுக்கு உட்பட்டவை என்பதை அறிய, உங்கள் “mutuelle” ஐ தொடர்பு கொள்ளத் தயங்க வேண்டாம்.

உங்களுக்கு அருகிலுள்ள ஒரு உளவியலாளரைத் தேட, பல விவரத்திரட்டுகள் உங்களை அனுமதிக்கின்றன. Doctolibஉங்கள் மொழியைப் பேசும் நிபுணர்களைத் தேட அனுமதிக்கிறது.

ஒரு மனநல மருத்துவரின் அல்லது உளவியலாளரின் நடத்தை உங்களில் பயம், அவமானம் அல்லது குற்ற உணர்ச்சியைத் தூண்டினால், பாலின வன்முறையில் அவர்களின் நிபுணத்துவம் குறைவாக உள்ளது என்றும், இது உங்களை ஆபத்தில் ஆழ்த்தலாம் என்றும் அர்த்தமாகும். 

அப்படியானால், வேறு ஒருவரைக் கலந்தாலோசிக்கத் தயங்க வேண்டாம். உங்களைத் தேற்றிக்கொள்ளாமல் நீங்கள் எப்போது வேண்டுமானாலும் உங்கள் மனநல மருத்துவரை அல்லது உளவியலாளரை மாற்றலாம்.