பிரான்சில் வாகனம் ஓட்டுதல்

பின்வரும் அனைத்து நிபந்தனைகளையும் நீங்கள் பூர்த்தி செய்தால், உங்கள் ஓட்டுநர் உரிமத்தை மாற்றிக்கொள்ளலாம்:

• நீங்கள் ஓட்டுநர் உரிமத்தை வைத்திருக்கும் நாடு பிரான்சுடன் பரிமாற்ற ஒப்பந்தத்தில் கையெழுத்திட்டிருக்க வேண்டும். இந்த நாடுகளின் பட்டியலை இந்த இணையத்தளத்தில் காணலாம்.
• ஓட்டுநர் உரிமம் செல்லுபடியானதாக இருப்பதுடன் நீங்கள் வழக்கமாக வசிக்கும் நாட்டால் வழங்கப்பட வேண்டும், அதாவது அங்கே நீங்கள் வருடத்திற்குக் குறைந்தது ஆறு மாதங்களாவது தங்கியிருத்தல் வேண்டும். 
• நீங்கள் ஐரோப்பிய ஒன்றியத்தின் குடிமகனாக இல்லாவிட்டால், நீங்கள் பிரான்சில் தங்குவதற்கு அதிகாரமளிக்கும் ஆவணத்தை வைத்திருக்க வேண்டும், இது வதிவிடஅனுமதி அல்லது “titre de séjour” என அறியப்படுகிறது. 

இது உங்களுக்குப் பொருந்துமா என்பதை அறிய, இந்த இணையதளத்தில் நீங்கள் பரீட்சித்துக் கொள்ளலாம்.

உங்கள் தேசியத்தைப் பொறுத்துக் காலக்கெடு மாறுபடும்:

• நீங்கள் ஐரோப்பிய ஒன்றியத்தின் உறுப்பு நாடுகளிலொன்றின் குடிமகனாக இருந்தால், நீங்கள் பிரான்சுக்கு வந்ததைத் தொடர்ந்து 6வது மற்றும் 18வது மாதங்களுக்கு இடையில் பரிமாற்றத்திற்கு விண்ணப்பிக்க வேண்டும்.
• நீங்கள் ஐரோப்பிய ஒன்றியத்திற்கு வெளியே உள்ள ஒரு நாட்டின் குடிமகனாக இருந்தால்,உங்களின் முதல் வதிவிட அனுமதி அல்லது“titre de séjour” செல்லுபடியாகும் திகதியிலிருந்து ஒரு வருடத்திற்குள் விண்ணப்பிக்க வேண்டும்.

ஓட்டுநர் உரிமப் பரிமாற்றத்திற்கு விண்ணப்பிப்பதற்கு, உங்களுக்குப் பின்வரும் ஆவணங்கள் தேவைப்படும்:

• உங்கள் அடையாள அட்டை அல்லது கடவுச்சீட்டு போன்ற அடையாள ஆவணம்
• வாடகை ரசீது, எரிவாயு அல்லது மின்சாரக் கட்டணம் அல்லது தங்குமிடச் சான்றிதழ் போன்ற ஆறு மாதங்களுக்கும் குறைவான “justificatif de domicile” அல்லது வதிவிடச் சான்று என அறியப்படும் உங்கள் முகவரியை நிரூபிக்கும் ஆவணம்.
• உங்கள் பிறப்புச் சான்றிதழின் முழு நகல்
• உங்கள் ஓட்டுநர் உரிமம்.

உங்கள் ஆவணங்கள் பிரெஞ்சு மொழியில் இல்லை என்றால், அவை முதலில் ஒரு சத்தியப்பிரமாண மொழிபெயர்ப்பாளர் அல்லது “traducteur assermenté” ஆல் மொழிபெயர்க்கப்பட வேண்டும்:

• ஒரு பக்கத்திற்குச் சராசரியாக மொழிபெயர்ப்பு 30-80 யூரோக்கள் செலவாகும்.
• நீங்கள் உங்கள் மொழியில் உள்ள “traducteurs assermentés” பட்டியலை பிரான்சில் உள்ள உங்கள் நாட்டின் தூதரகத்திடம் கேட்கலாம் அல்லது ஆன்லைனில் தேடலாம். நீங்கள் பிரான்சில் அரசியல் அகதியாக இருந்தால், உங்கள் சொந்த நாட்டின் அதிகாரிகளைத் தொடர்பு கொள்ளக் கூடாது. அதற்குப் பதிலாக, அகதிகளின் உரிமைகளில் நிபுணத்துவம் பெற்ற “association” எனப்படும் இலவச சேவைகளை வழங்கும் அமைப்பொன்றை நீங்கள் தொடர்பு கொள்ளலாம்.

தேவையான தரநிலைகளைப் பூர்த்தி செய்யும் புகைப்படமும் உங்களுக்குத் தேவைப்படும். உங்களுக்கு மின்-புகைப்படக் குறியீட்டை வழங்குகின்ற அங்கீகாரம் பெற்ற புகைப்படக் கலைஞரால் எடுக்கப்பட்ட புகைப்படமொன்றை வைத்திருப்பது பரிந்துரைக்கப்படுகிறது.

பின்வரும் படிகளைப் பின்பற்றுவதன் மூலம் இந்த இணையத்தளத்தில் நடைமுறைகள் ஆன்லைனில் மேற்கொள்ளப்படுகின்றன:

• ஒரு கணக்கை உருவாக்கி, உங்கள் சுயவிவரத்தில் உள்நுழைந்து, உங்கள் கோரிக்கைக்கான காரணத்தைத் தேர்வுசெய்யவும்.
• கோரப்பட்ட தகவலுடன் படிவத்தைப் பூர்த்தி செய்து புகைப்படத்தையும் உங்கள் கையொப்பத்தையும் பதிவேற்றவும்.
• உங்கள் கோரிக்கையை உறுதிப்படுத்தும் முன் கோரப்பட்ட பிற ஆவணங்களைப் பதிவேற்றவும்.

ஆரம்பிப்பதற்கு, உங்களுக்கு அருகிலுள்ள “auto-école” அல்லது ஓட்டுநர் பள்ளி என்றழைக்கப்படுகின்ற ஓட்டுநர் சோதனைக்கு ஆட்களைத் தயார்படுத்துவதில் நிபுணத்துவம் பெற்ற நிறுவனமொன்றைத் தொடர்புகொள்ளவும். நீங்கள் ஒன்றை ஆன்லைனில் தேடலாம்; எடுத்துக்காட்டாக, Google வரைபடத்தில், அது பெற்ற மதிப்புரைகளைப் பரிசீலிக்க உங்களை அனுமதிக்கும். 

ஓட்டுநர் பள்ளி, நீங்கள் எடுக்க வேண்டிய படிகள் மற்றும் வழங்க வேண்டிய ஆவணங்கள் என்பவற்றை உங்களுக்குத் தெரிவிக்கும். 

இதற்கான கட்டணங்களை விவரிக்கும் விலைப்பட்டியலை அவர்கள் உங்களுக்கு வழங்குவார்கள்: 

• கோட்பாட்டுச் சோதனைத் தயாரிப்புப் பாடநெறிகள், நீங்கள் அவற்றை எடுக்க விரும்பினால். தயாரிப்புப் பாடநெறியைச் செய்யாமலேயே தேர்வில் அமர்வதையும் நீங்கள் தேர்வு செய்யலாம், ஆனால் அது பரிந்துரைக்கப்படவில்லை.
• உங்கள் மட்டத்தைப் பொறுத்து நீங்கள் எடுக்க வேண்டிய ஓட்டுநர் பாடநெறிகள்:
  • உங்களிடம் ஏற்கனவே வெளிநாட்டு உரிமம் இருந்தால், நீங்கள் ஓட்டுநர் பாடநெறிகளை எடுக்க வேண்டிய அவசியமில்லை. இது மற்றவற்றுடன், உங்களுக்கு வழங்கிய நாட்டைப் பொறுத்ததாகும்.
  • நீங்கள் இதற்கு முன் வாகனம் ஓட்டவில்லை என்றால், சோதனைக்கு முன், வழக்கமாக 20-30 மணிநேரம் ஓட்டுநர் பயிற்சி எடுக்க வேண்டும்.

உங்களுக்குப் பிரெஞ்சு மொழி சரியாகத் தெரியவில்லை என்றால், சோதனையின் போது உரைபெயர்ப்பாளரின் உதவியைப் பெற நீங்கள் என்ன நடவடிக்கை எடுக்க வேண்டும் என்று அவர்களிடம் கேட்கவும்.

உரிமம் பெறுவதற்குச் சில நிபந்தனைகளின் கீழ் நிதி உதவி கிடைக்கின்றது. இதன் மூலம் நீங்கள் பயனடைய முடியுமா என்பதை அறிய இந்த இணையத்தளத்தில் நீங்கள் ஒரு பரீட்சித்தலை இயக்கலாம்.