Demander un document autorisant à rester en France appelé “titre de séjour”
Pour vivre et travailler en France, il est nécessaire de demander un document autorisant à rester en…
ஆட்கடத்தல் அல்லது பாலியல் வர்த்தகத்தில் பாதிக்கப்பட்டவர்களுக்கான வதிவிட உரிமைகள்
ஒரு வதிவிட அனுமதி அல்லது “titre de séjour”, ஆட்கடத்தல் மற்றும்/அல்லது பாலியல் வர்த்தகம் தொடர்பான புகார் அல்லது சாட்சியம் மூலம் நீதி அமைப்புடன் ஒத்துழைக்கும் நபர்களுக்கு வழங்கப்படலாம்.
06/10/2023 அன்று FNCIDFF ஆல் சரிபார்க்கப்பட்டது
Verified by FNCIDFF on 06/10/2023
நிபந்தனைகள்
நீங்கள் இரண்டு நிபந்தனைகளைப் பூர்த்தி செய்ய வேண்டும்:
- உங்கள் பிம்ப் அல்லது உங்களை விபச்சாரத்தில் ஈடுபடுத்தும் நபருடன் நீங்கள் உறவை முறித்துக் கொள்ள வேண்டும்.
- அவர்களுக்கு எதிரான சட்ட நடவடிக்கைகளில் புகார் அல்லது சாட்சியமளிப்பதன் மூலம் நீதி அமைப்புடன் ஒத்துழைக்க நீங்கள் ஒப்புக்கொள்ள வேண்டும்.
பொருந்தக்கூடிய சட்டம்: "CESEDA" இன் கட்டுரைகள் L.425-1 மற்றும் L.425-3.
விநியோகிக்கப்படுகின்ற “<span dir="ltr" lang="fr">titre de séjour</span>” அல்லது வதிவிட அனுமதிப் பத்திரத்தின் வகை
குறிப்பு: “préfecture” என்று அழைக்கப்படும் உள்ளூர் பிரெஞ்சு நிர்வாக அதிகாரசபைகளிடம் “titre de séjour” இற்காக உங்கள் விண்ணப்பத்தைச் செய்த பிறகு, புகாரைப் பதிவுசெய்வதா அல்லது சாட்சி அறிக்கையை வழங்குவதா என்பதைத் தீர்மானிப்பதற்கு முன் 30 நாட்கள் தணிக்கும் காலம் உங்களுக்கு இருக்கும். உங்கள் விண்ணப்பத்தை நீங்கள் சமர்ப்பிக்கும் போது, “préfecture” இந்தக் காலகட்டத்திற்கான ரசீது அல்லது “récépissé” இனை உங்களுக்கு வழங்கும், இது பிரான்சில் தங்கிப் பணிபுரிய உங்களை அனுமதிக்கும்.
-
“vie privée et familiale”அல்லது தனிப்பட்ட மற்றும் குடும்ப வாழ்க்கையைக் குறிப்பிட்டு நீங்கள் ஒரு தற்காலிக வதிவிட அட்டையை அல்லது “carte de séjour temporaire” ஐப் பெறுவீர்கள். இது ஒரு வருடத்திற்குச் செல்லுபடியாகும். இது உங்களை வேலை செய்ய அனுமதிக்கிறது.
சட்ட நடவடிக்கைகளின் காலம் முழுவதும் இது புதுப்பிக்கப்படலாம்.
இந்தக் காலகட்டத்தில், நீங்கள் சில நிபந்தனைகளைப் பூர்த்தி செய்தால், புகலிடக் கோரிக்கையாளர் கொடுப்பனவு அல்லது “allocation de demandeur d’asile” எனப்படும் நிதி உதவியை நீங்கள் பெறலாம்.
-
குற்றம் சாட்டப்பட்ட நபர் உறுதியாகக் குற்றம் சாட்டப்பட்டிருந்தால் மற்றும் நீங்கள் வழக்கமாக பிரான்சில் வசிப்பவராக இருந்தால், பத்து ஆண்டுகளுக்குச் செல்லுபடியாகும் “carte de résident” இனைப் பெறுவதற்கான உரிமை உங்களுக்கு இருக்கும்.
நீங்கள் இந்த நிபந்தனையைப் பூர்த்தி செய்யவில்லையெனினும் குறைந்தபட்சம் ஐந்து வருடங்கள் அல்லது சில சந்தர்ப்பங்களில் மூன்று வருடங்கள் பிரான்சில் வாழ்ந்திருந்தால், நீங்கள் சில நிபந்தனைகளைப் பூர்த்தி செய்தால் “carte de résident” ஐப் பெறலாம். மேலும் அறியவும்
அல்ஜீரிய குடிமக்கள்
கொள்கையளவில், அல்ஜீரிய குடிமக்களுக்கு இந்த விதிகள் பொருந்தாது, ஏனெனில் பிரான்சில் அவர்களின் குடியேற்ற நிலை இருதரப்பு ஒப்பந்தத்தால் நிர்வகிக்கப்படுகிறது.
இருப்பினும், “préfecture” என்று அழைக்கப்படும் “titre de séjour” க்கான விண்ணப்பங்களை பரிசோதிக்கும் பொறுப்புள்ள உள்ளூர் பிரெஞ்சு நிர்வாக அதிகார சபைகள், அதிலிருந்து நீங்கள் பயனடைய அனுமதிக்கலாம். எனவே நீங்கள் ஒரு கோரிக்கையை முன்வைத்து, மேலே விவரிக்கப்பட்ட நிபந்தனைகளை நீங்கள் சந்திக்கிறீர்கள் என்பதை முன்னிலைப்படுத்தப் பரிந்துரைக்கப்படுகிறது.
-
“La Cimade” என்பது அனைத்து புலம்பெயர்ந்த மக்களுக்கும் பிரான்சில் உள்ள அகதிளுக்கும் குறிப்பாக வன்முறையை எதிர்கொள்ளும் மக்களுக்கு ஆதரவளிப்பதிலும் நிபுணத்துவம் பெற்ற ஒரு அமைப்பாகும்.
- இந்த சேவையை இலவசமாக பெற்றுக்கொள்ளலாம்.
- பிரான்சில் வசிக்கும் உரிமை தொடர்பான உங்கள் நிர்வாக நடைமுறைகளில் உங்களுக்குத் தெரிவிக்கவும் ஆதரவளிக்கவும், உங்கள் தனிப்பட்ட சூழ்நிலையைப் பொறுத்து பிற சேவைகளுக்கு உங்களை வழிநடத்தவும் அவர்களால் முடியும்.
- கிடைக்கக்கூடிய மொழிகள்: பிரஞ்சு, ஆங்கிலம் மற்றும் ஸ்பானிஷ்.
- தொடர்பு கொள்ளவும் :
- ஒரு சந்திப்பு நேரம் இல்லாமல் உங்களுக்கு அருகிலுள்ள மையம்
- தொலைபேசி மூலம் 01 40 08 05 34 அல்லது 06 77 82 79 09 புதன்கிழமைகளில் காலை 9:30 மணி முதல் மதியம் 1:30 மணி வரை. மற்றும் மதியம் 2:30 மணி முதல். மாலை 5:30 மணி வரை
-
“Gisti” என்பது பிரான்சில் புலம்பெயர்ந்தோருக்கும் அகதிகளுக்குமான சட்ட ஆலோசனையில் நிபுணத்துவம் பெற்ற ஒரு அமைப்பாகும்.
- இந்த சேவையை இலவசமாக பெற்றுக்கொள்ளலாம்.
- உங்களின் வதிவிட உரிமைகள் தொடர்பான உங்களின் உரிமைகள் மற்றும் அவற்றை எவ்வாறு பெறுவது என்பதை அவர்களால் உங்களுக்குத் தெரிவிக்க முடியும்.
- கிடைக்கக்கூடிய மொழி: பிரதானமாக பிரெஞ்சு மொழி.
- தொடர்பு கொள்ளவும்:
- தொலைபேசி மூலம் +331 84 60 90 26 திங்கள் முதல் வெள்ளி வரை பிற்பகல் 3 மணி முதல் மாலை 6 மணி வரை. மேலும் புதன் மற்றும் வெள்ளி அன்று காலை 10 மணி முதல் மதியம் 12 மணி வரை . அழைப்பு எண் சில நேரங்களில் நிறைவுறும், சோர்வடைய வேண்டாம். நாள் முடிவில் அவர்களை அடைவது சில நேரங்களில் எளிதாக இருக்கும்.
- அஞ்சல் மூலம் “Gisti, 3 villa Marcès 75011 பாரிஸ்,பிரான்சு”. அச்சிட்டுப் பூர்த்தி செய்து இந்தப் படிவத்தை உங்கள் கடிதத்தில் தொடர்புடைய நிர்வாக ஆவணங்களின் நகலையும் சேர்த்துக்கொள்ளவும் “Gisti” ஆலோசகருக்கு உங்கள் சூழ்நிலையைப் புரிந்துகொள்ள உதவும் அனைத்துக் கூறுகளும் உட்பட, உங்கள் கேள்வியை முடிந்தவரை தெளிவாகக் குறிப்பிடுவதை உறுதிப்படுத்திக் கொள்ளுங்கள்.
-
"Associations" என்பது பல்வேறு சேவைகளை வழங்கும் அமைப்புகளாகும். சிலர் குடியேற்றத்தில் நிபுணத்துவம் பெற்றவர்கள்.
- இந்தச் சேவைகளை இலவசமாகப் பெற்றுக்கொள்ள முடியும்.
- பிரான்சில் உங்கள் உரிமைகள் பற்றி அவர்கள் உங்களுக்குத் தெரிவிக்கலாம், மேலும் சில சமயங்களில் குடியேற்ற நடைமுறைகளில் உங்களுக்கு ஆதரவளிக்கலாம்.
- கிடைக்கக்கூடிய மொழி: பிரதானமாக பிரெஞ்சு மொழி.
- தொடர்பு கொள்ளவும்: இந்தக் கோப்பகத்தில் பிராந்தியமும் திணைக்களம் வாரியாகவும் நீங்கள் தேடலாம்.
-
அங்கீகரிக்கப்பட்ட சங்கங்கள் அல்லது “associations habilitées” புகலிடக் கோரிக்கையாளர்களுக்கு மிகவும் சிறப்பு வாய்ந்த சேவைகளை வழங்க முடியும்.
- இந்தச் சேவைகளை இலவசமாகப் பெற்றுக்கொள்ள முடியும்.
- அவர்கள் உங்கள் உரிமைகளைப் பற்றி உங்களுக்குத் தெரிவிக்கலாம், உங்களுக்கு ஆலோசனை வழங்கலாம், உங்கள் நிர்வாக நடைமுறைகளில் உங்களுக்கு ஆதரவளிக்கலாம் மேலும் அகதிகள் மற்றும் நாடற்ற நபர்களை அல்லது “Office français de la protection des réfugiés et des apatrides (OFPRA)” பாதுகாப்பதற்கான பிரெஞ்சு அலுவலகத்துடனான உங்கள் சந்திப்பிற்கு உங்களுடன் வரலாம்.
- கிடைக்கக்கூடிய மொழி: முக்கியமாக பிரஞ்சு, உரைபெயர்ப்பு சாத்தியமாகும்.
- தொடர்பு கொள்ளவும்: இந்தக் கோப்பகத்தில் உங்களுக்கு அருகில் உள்ள “associations habilitées” ஒன்றை நீங்கள் கண்டறியலாம்.
நீங்களும் ஆர்வமாக இருக்கலாம்
பிரெஞ்சு வதிவிட உரிமைகளுக்கான எனது தகுதியைச் சரிபார்க்கவும்
இவ்வினாப்பட்டியல் உங்களுக்கு பிரான்சில் வதிவிட உரிமைகளை வழங்கக்கூடிய காரணங்களை அல்லது " fondements "…
பிரான்சில் ஒரு வழக்கறிஞரை பணியமர்த்துதல்
சட்ட நடவடிக்கைகள் பூராகவும் வழக்கறிஞர்கள் முக்கிய பங்கு வகிக்கின்றனர். நீங்கள் நம்பக்கூடிய ஒருவரைத்…