பிரான்சில் உங்கள்“<span dir="ltr" lang="fr">titre de séjour</span>”திருடப்பட்டாலோ அல்லது இழந்தாலோ “<span dir="ltr" lang="fr">duplicata</span>”அல்லது நகல் எனப்படும் ஆவணத்தைக் கோருதல்

“titre de séjour” அல்லது வதிவிட னுமதி என அறியப்படும் உங்கள் குடியேற்ற ஆவணத்தின் இழப்பு அல்லது திருடப்பட்டால், “préfecture” அல்லது“sous-préfecture” எனப்படும் உங்கள் துறையின்உள்ளூர் பிரெஞ்சு நிர்வாக அதிகாரியிடம் இருந்து நகல் அல்லது “duplicata” எனப்படும் ஆவணத்தை நீங்கள் கோரலாம்.

நீங்கள் திருமணமானவராக இருந்தாலும், PACS அல்லது சிவில் பார்ட்னர்ஷிப்பில் இருந்தாலும், உங்கள் “titre de séjour”ஐத் திருட யாருக்கும் அதிகாரம் இல்லை, உங்கள் துணைவருக்குக் கூட அதிகாரம் இல்லை.

என்ன செய்வது என்பது பற்றி மேலும் அறிய இந்த வினாப்பட்டியலை நீங்கள் பூரணப்படுத்தலாம்.

படி 1: பிரான்ஸ் பொலிஸ் நிலையத்தில் புகார் செய்யுங்கள்

முதலாவதாக, உங்களுக்கு அருகிலுள்ள ஒரு பொலிஸ் நிலையத்திற்குச் சென்று, இழப்பு அல்லது திருட்டு குறித்து அவர்களிடம் அல்லது commissariat de police” அல்லது “brigade de gendarmerie இடம் புகாரளிக்க வேண்டும். உங்கள் “titre de séjour” இன் இழப்பு அல்லது திருட்டை உறுதிப்படுத்தும் அறிவிப்பு அல்லது “déclaration” எனப்படும் ஆவணத்தை அவர்கள் உங்களுக்கு வழங்குவார்கள்.

நீங்கள் விரும்பினால், உங்கள் ஆவணங்களைத் திருடிய அல்லது அழித்த நபர் மீது வழக்குத் தொடர காவல் நிலையத்தில் புகாரொன்றை தாக்கல் செய்ய முடியும் , அது உங்கள் துணைவராக அல்லது முன்னாள் துணைவராக, நீங்கள் திருமணமானவராக இருந்தாலும், PACS அல்லது சிவில் பார்ட்னர்ஷிப்பில் இருந்தாலும்.

புகாரைப் பதிவு செய்ய நீங்கள் தேர்வுசெய்தால்:

• குற்றம் சாட்டப்பட்ட நபரை, முடிந்தால் பொலிசார் விசாரித்து விசாரணை நடத்துவார்கள்.
• உங்கள் துணைவர் அல்லது முன்னாள் துணைவரால் நீங்கள் அனுபவித்த திருட்டு அல்லது அழிவு ஏற்பட்டால், நிர்வாகத் துஷ்பிரயோகத்திற்கு புகார் ஆதாரமாக இருக்கலாம்.

படி 2: “préfecture”இருந்து ஒரு “duplicata”அல்லது நகலைக் கோரவும்

“duplicata” அல்லது நகலைக் கோருவதற்கான நடைமுறையைக் கண்டறிய, நீங்கள் வசிக்கும் இடத்தின் “préfecture” அல்லது“sous-préfecture” எனப்படும் உள்ளூர் பிரெஞ்சு நிர்வாக அதிகாரியைத் தொடர்பு கொள்ள வேண்டும். இந்த கோப்பகங்களில் நீங்கள் “préfectures” மற்றும் “sous-préfectures”இற்கான தொடர்பு விவரங்களைக் காணலாம்.

தயவுசெய்து கவனிக்கவும்: நீங்கள் விண்ணப்பிக்கும் வதிவிட அனுமதி அல்லது“titre de séjour”இற்கு நீங்கள் இன்னும் உரிமையுள்ளவரா இல்லையா என்பதை “préfecture” மறுபரிசீலனை செய்யலாம்.